చాతుర్వర్ణాలు

అంతర్ గుణాలను బట్టి, బహిర్ కర్మలను బట్టి ప్రజలనందరినీ నాలుగు రకాలుగా విభజించవచ్చును

శరీర స్థాయిలో మాత్రమే జీవితాన్ని గడిపేవాడు “శూద్రుడు”
శరీర, మనో స్థాయిలు .. రెండింటిలో జీవితాన్ని గడిపేవాడు “వైశ్యుడు”
శరీర, మనో, బుద్ధి స్థాయిలు … మూడింటిలో జీవితాన్ని గడిపేవాడు “క్షత్రియుడు”
శరీర, మనో, బుద్ధి, ఆత్మ … అన్ని స్థాయిలలోను జీవితాన్ని గడిపేవాడు “బ్రాహ్మణుడు”

మనిషి తన జన్మపరంపరలో క్రమక్రమంగా ఈ నాలుగు పరిస్థితులనూ
అనుభవించి, జనన-మరణ చక్రంలోంచి చివరికి విముక్తడవుతాడు
ఎన్ని తక్కువ జన్మలలో పాఠాలన్నీ నేర్చుకుంటాడు అనేది
వారి వారి తెలివితేటలను బట్టి, దీక్షను బట్టి వుంటుంది.

“చాతుర్వర్ణం మయా సృష్టం గుణ కర్మ విభాగశః|
తస్య కర్తారమపి మాం విద్ధ్యకర్తారమవ్యయమ్ ||“

• “జన్మనా జాయతే శూద్రః కర్మణా జాయతే ద్విజ” అన్నది మనుస్మృతి;
  “పుట్టుకతో ఎవడైనా శూద్రుడే; చేసే పనుల (కర్మలు) ద్వారా
  మాత్రమే ద్విజుడౌతాడు” అని అర్థం
• “న జచ్చా హోతి బ్రాహ్మణో” అన్నాడు బుద్ధుడు:
  అంటే, “జన్మ ద్వారా ఎవ్వడు బ్రాహ్మణుడు కాడు” అని అర్థం